Сонгуулийн дуулианаар төрийн байгууллагууд хэцүүдэж эхэллээ. Учир нь, нийслэлийн харьяа байгууллагын хэлтсийн дарга нар тун завгүй болсон гэнэ. Яагаад байхгүй байгааг асуухаар сонгуулийн ажилд дайчлагдсан эсвэл мэдээлэл өгөхөөр явсан гэсэн тайлбарыг мэргэжилтнүүд нь иргэдэд өгч байв. Уг нь, хэдхэн долоо хоног болох сонгуулиас болж төрийн ажил цалгардан, иргэдийг чирэгдүүлэх учиргүй баймаар. Тэр дундаа сонгуульд нэр дэвшигчдийн сөхөж тавьж буй газар, агаар, хөрсний бохирдол зэрэг асуудлыг хариуцсан дарга нар бол бүр ч завгүй болжээ.