Сонгинохайрхан дүүргийн шүүх өнөөдөр 09:30 цагаас Гол нууруудын нэгдсэн хөдөлгөөнийхөн болох “Онги гол” хөдөлгөөний тэргүүн Ц.Мөнхбаяр,  удирдах зөвлөлийн гишүүн О.Самбуу-Ёндон, “Хүдэр гол” хөдөлгөөний тэргүүн Г.Баяраа, “Монгол Улсын төлөө зүтгэе” ТББ-ын гишүүн Г.Төмөрбаатар нарын дөрвөн хүнд холбогдох хэргийг хэлэлцэж эхэллээ.
Тэднийг  Эрүүгийн хуулийн  153.2 дугаар зүйлд зааснаар  буюу бусдын эд хөрөнгийг санаатай устгасан гэх үндэслэлээр буруутгаж байгаа. Тэд хоёр жилийн өмнө Сэлэнгэ аймгийн Түнхэл тосгонд Гол нууруудын нэгдсэн хөдөлгөөнийхөн Урт нэртэй хууль хэрэгжихгүй байна гэж үзэн “Пураам”, “Сентерра гоулд” компанийн  техник рүү олон удаа буудсан нь ийн шүүгдэгчийн ширээний ард суухад хүрсэн юм.