Олон улсын болон гадаадын төрийн бус байгууллагын салбар,  төлөөлөгчийн газрыг Монгол улсад нээхдээ Гадаадын иргэн харьяатын асуудал эрхлэх газраас  хуулийн дагуу зөвшөөрөл авдаг байна.
Өнөөдрийн байдлаар манай улсад   олон улсын болон гадаадын төрийн бус байгууллагын салбар төлөөлөгчийн 98 газар  үйл ажиллагаа явуулж байна. Тус байгууллагууд нь Улс төр, Хүмүүнлэг, Боловсрол, Халамж, Эрүүл мэнд, Хөдөө аж ахуй, Байгаль орчин, Эдийн засгийн  чиглэлээр үйл ажиллагаагаа явуулдаг. Эдгээр байгууллагууд ГИХАЭГ-т жил бүр үйл ажиллагааны чиглэлийн  дагуу хийсэн ажил болон санхүүгийн тайлангаа  гаргаж өгдөг.   Зорилго чиглэлээсээ өөр үйл ажиллагаа явуулсан , мөн тайлангаа ирүүлээгүй байгууллагуудад  ГИХАЭГ-аас хуулийн  дагуу арга хэмжээ авдаг.
Иймээс тайлангаа өгөөгүй АНУ-д төвтөй “ Олон улсын мэргэжилтнүүд”, “ Дэ Итгэл фондашин”, ИБУИНВУ-д төвтөй “Олон улсын дэмжлэг туслалцаа”, Япон улсад төвтөй “Монгол  Аксесс  монголия”, БНХАУ-д төвтөй” Байгаль эклогийг сайжруулах холбоо”, БНФУ-д төвтөй “Аксион монголий”,  БНФУ-д төвтөй “Санте Сюд Ассоциаци” АНУ-д төвтөй “Др.У.Ч. Соунсоны гэр бүлийн сан” гэсэн дээрх  олон улсын болон гадаадын төрийн бус байгууллагын салбар төлөөлөгчийн найман газрыг  Гадаадын иргэн харяатын асуудал эрхлэх газраас хуулийн дагуу  татан буулгасан байна.