МАХН-ын дарга Н.Энхбаярыг болон МҮАН-тай хамтарсан Шударга ёс эвслийн зургаан нэр дэвшигчийг сонгуульд өрсөлдүүлэхгүй хэмээн сонгуулийн төв байгууллагаас татгалзсан хариу өгөөд буй. Уг шийдвэрийг МАХН-ынхан хүлээн зөвшөөрч чадахгүй зарга үүсгэсээр байгаа билээ. Тэгвэл энэхүү шийдвэрт дургүйцлээ илэрхийлж буй тус намын гишүүд СЕХ буруу шийдвэр гаргалаа, хуулиар олгогдсон сонгох сонгогдох эрхэнд халдсан хэмээн Үндсэн хуулийн цэцэд хандсан. Гэвч өнөөг хүртэл цэцээс маргаан үүсгэсэн уг асуудлыг авч хэлэлцээгүй тул эсэргүүцлээ үргэлжлүүлж, жагсаал хийхээр болсон ажээ. Гэхдээ уг жагсаалаа Үндсэн хуулийн цэцийн байрны гадаа хийхээр болжээ.Ерөнхийдөө жагсаал хийж эсэргүүцлээ илэрхийлэн, цэцийг шахаанд оруулах төлөвлөгөөтэй байгаа юм байна.