Сүхбаатар дүүргийн шүүхийн Тамгын албаны дарга Э.Батмөнх МАХН-ын дарга, Ерөнхийлөгч асан Н.Энхбаяр нарт холбогдох хэргийн шүүх хурлыг дахин хойшлуулснаа өнөөдөр мэдэгдлээ. Учир нь, экс Ерөнхийлөгч Н.Энхбаяр “Б.Оюунбилэг өмгөөлөгчөөр өмгөөлүүлэх боломжгүй боллоо. Тэрээр УИХ-ын сонгуульд нэр дэвшиж, Говь-Алтайд ажиллаж байгаа учир хавтаст хэрэгтэй танилцаагүй. Тиймээс энэ сарын 21-нд болох шүүх хуралд намайг өмгөөлж чадахгүй нь. Тиймээс би Б.Оюунбилэг өмгөөлөгчөөс татгалзаж, Н.Сайнгэрэлийг өмгөөлөгчөөрөө сонгож байна. Миний шинээр сонгож авсан өмгөөлөгчид хавтаст хэрэгтэй танилцах боломж олгож, шүүх хурлыг хойшлуулж өгнө үү” гэсэн хүсэлтээ өчигдөр шүүхэд авчирч өгчээ.  
Эл хүсэлтийг нь шүүх хүлээж аваад дараагийн шүүх хурлыг ирэх долдугаар сард товлохоор болоод буй гэнэ.
Юутай ч, Ерөнхийлөгч асан Н.Энхбаяр нарт холбогдох хэргийг шүүх сонгуулиас өмнө шийдвэрлэхгүй нь тодорхой боллоо.