Монголд хоёр том нүүрсний ордыг эзэмшдэг Канадын “Професси Коал” компани лицензээ нэмэхээр болсон гэнэ. Тэд Бразилийн “Вале”-гийн охин компани болох “Тефис Майнинг” компаниас нүүрсний лицензийг нь худалдан авах гэж буй хэмээн гадаад, дотоодын хэвлэлд мэдээлжээ. Нөөцөөрөө Таван толгойн дараа орох Тугалгатай болон Чандгана ордын зөвшөөрлийг нь авснаар Канадын компани таван тэрбум тоннын коксжих нүүрсний эзэн нь болох гэнэ. Хоёр тал энэхүү гэрээг Ашигт малтмалын газарт хүргүүлсэн тухай мэдээлэл ч байна. Арилжихаар зэхэж буй лицензтэй талбай нь Хэнтий аймагд байрладаг юм.