Уул уурхайн яам өнгөрсөн баасан гараг буюу энэ сарын 22-нд Монгол-Германы хамтарсан Ашигт малтмал, технологийн их сургуультай хамтын ажиллагааны Санамж бичиг байгууллаа.
Энэхүү санамж бичигт Уул уурхайн яамны Төрийн нарийн бичгийн дарга Д.Артаг, Монгол-Германы хамтарсан Ашигт малтмал, технологийн их сургуулийн захирал Н.Дорждэрэм нар гарын үсэг зурлаа.
Санамж бичгийн хүрээнд олон улсын стандартын дагуу чанартай боловсон хүчин бэлтгэх замаар дэлхийд хүлээн зөвшөөрөгдсөн инженерийн чанартай боловсролыг Монголд нутагшуулах чиглэлээр хамтран ажиллана. Мөн тодорхой чиглэлүүдээр судалгаа хийх, үйлдвэрлэл, сургалт, эрдэм шинжилгээний ажлын уялдаа холбоог сайжруулах болон хоёр талын үйл ажиллагаанд стратегийн түншлэлийн харилцааг бий болгох ажлыг зохион байгуулах юм.
Гарын үсэг зурах ёслолын үеэр УУЯ-ны Төрийн нарийн бичгийн дарга Д.Артаг, “Энэхүү санамж бичиг уул уурхайн салбарын бодлогыг шинжлэх ухааны үндэслэлтэй төлөвлөх, олон улсын стандартад нийцсэн сургалтаар өндөр мэдлэгтэй боловсон хүчин бэлтгэхэд ийг бэлтгэхэд чухал үүрэг гүйцэтгэнэ. Мөн шинжлэх ухаан болон үйлдвэрлэлийн уялдаа холбоог сайжруулах, олон талт хамтын ажиллагааг өргөжүүлэн хөгжүүлэхэд томоохон түлхэц үзүүлэх юм” гэлээ.
