УИХ-ын сонгуулийн хууль зарим нэг заалтыг дэндүү хатуу гэж халаглах нэр дэвшигч олон байх болж. Өнгөрсөн сонгуулиар нэр дэвшигчид овоо тахиж, нутгийнхаа уул усанд ард түмнээ даатгалаа хэмээн сүржигнэдэг байж билээ. Энэ байдлыг таслах үүднээс Сонгуулийн хуульд Нам, эвсэл, нэр дэвшигч, нам, эвслийн сонгууль эрхэлсэн байгууллага, түүний ажилтан, нэр дэвшигчийн шадар туслагч, ухуулагч нь сонгуулийн сурталчилгаандаа аливаа шашны сургаал, жаяг дэгийн дагуу үйлддэг хурал хуруулах, сан тавиулах, майдар эргэх, жасаа уншуулах, даллага авахуулах, тахилга мөргөл үйлдүүлэх, овоо тахих зэрэг үйлдэл, үйл ажиллагааг зохион байгуулсан, түүнд оролцсон, ийм арга хэмжээг санхүүжүүлсэн, шашны эд өглөгийн зүйл, хэрэгсэл тараасан бол шашны зан үйл ашигласан гэж үзнэ гэсэн заалт орж. Хэрэв үүнийг зөрчвөл хуулийн хариуцлага хүлээх заалт ч мөн орсон байна лээ.