Ерөнхийлөгчийн  ахлах зөвлөх П.Цагаан, БСШУЯ-ны  Соёл, урлагийн бодлогын газрын дарга Б.Наранзун нар “Тиранозаурус Батаар”-ыг Монголд авчирахаар болсон тухай мэдээлэл хийлээ. Монголын говиос олдсон уг үлэг гүрвэлийн ясыг  АНУ-ын хуулийн дагуу өмч хураах шийдвэрээр өнгөрсөн даваа гаригт хурааж авсан гэнэ. Одоо уг олдворыг Монголд  хэрхэн авчрах талаар яриа, хэлэлцээ хийгдэж байгааг ч тэд дуулгасан юм.
Эрдэмтэд болон хууль хяналтынхан “Тиранозаурус Батаар”-ыг 1995-2005 онд Монголоос гаргасан гэх дүгнэлтэд хүрээд буй аж. Чухам ямар замаар, хэрхэн хилээр хууль бусаар гарсан тухай тогтоохоор гааль, цагдаагийнхан хамтран ажиллаж байна. Урьдчилсан байдлаар АНУ руу Их Британиас  гүрвэлийн яс хэмээн бичиг баримт бүрдүүлэн олон хэсгээрээ салж орж ирсэн болох нь тогтоогдоод байгаа гэнэ.