Иргэний зориг-Ногоон  намаас долоо хоногийн дараа болох сонгуульд саналын хуудас автоматаар тоолох машиныг хэрэглэхгүй байх эсвэл саналын хуудсыг дахин давхар тоолох тухай хүсэлтээ Сонгуулийн ерөнхий хороонд хүргүүлсэн байна. Тус намынхан санал тоолох автомат машиныг ашиглахыг хориглосон тухай мэдээлэл авснаа уг хүсэлтэд тусгасан аж. Тухайлбал, АНУ-д уг автомат машиныг хоёр ч удаагийн сонгуулиар ашигласан боловч техникийн алдаа гаргасан нь нотлогджээ. Тиймээс энэ машиныг ашиглахгүй байх тухай хүсэлт хүргүүлсэн гэнэ. Хэрэв заавал хэрэглэх ёстой гэж үзэж байгаа бол гараар хяналтын тооллогыг давхар хийж үр дүн нь ижил байгаа эсэхийг шалгах шаардлагатай гэж тус намынхан үзэж буй юм.