Хүний амьдрал эрээн бараантай байдаг хойно өнөөдрийн нийгэмд бусадтай адил ажиллаж амьдарч чадахгүй болсон төрөлхийн болон амьдралын ямар нэг алдаа эндэгдэлээс болж хөдөлмөр эрхлэх чадвараа бүрэн болон бүрэн усаар алдаж насан туршдаа бусдын адил ажиллаж, хөдөлмөрлөж чадахгүй болсон хөгжлийн бэрхшээлтэй иргэд олон. Нэгэнт л хөдөлмөрийн чадвараа их бага хэмжээгээр алдсан иргэд биеийн байдлаас болж жирийн хүмүүстэй адил нөхцөлд хөдөлмөр эрхлэж чаддаггүй нь үнэн. Гэхдээ тэд би ийм болчихсон гээд гараа хумихаад суудаггүй нь олзуурхууштай.

Засгийн газраас хөгжлийн бэрхшээлтэй иргэдээ анхаарч, тэдэнд зориулан гаргасан хууль тогтоомжийг тоолох юм бол хуруу дарам цөөн. Хамгийн энгийн жишээг дурдах юм бол хэдхэн хоногийн дараа эцэг хуулиндаа заасан эрх үүргийнхээ дагуу сонгуульд саналаа өгөх дөхөж байна. Гэтэл стандарт шаардалгад нийцсэн санал авах байр тун цөөнхөн байна гэж мэдэгдлээ.

Энэхүү судалгааг Улаанбаатар хотын дөрвөн дүүргийн хэмжээнд санал хураах байрны хүртээжинд мониторинг хийсэн бөгөөд 10 хувь нь подвальд, 37 хувь нь хоёр болон түүнээс дээш давхарт, 15 хувь нь хүртээмжтэй, үлдсэн 38 хувь нь засварын байдалтай байна гэсэн дүн гарчээ. Мөн хөгжлийн бэрхшээлтэй хүмүүсийн нэрсийн жагсаалтанд тулгалт хийж үзэхэд 26 хувь нь жагсаалтанд ороогүй, 3.6 хувь нь хаяг давхардсан, 1.7 хувь нь хаяг дээрээ байдаггүй буюу гадаадад байгаа гэж тогтоогдсон байна. Үүнээс дүгнэж үзэхэд хөгжлийн бэрхшээлтэй иргэд сонгуульд оролцох боломж бололцоо тун хомс байгаа нь ажиглагдаж байна. Хөгжлийн бэрхшээлтэй иргэдийг сонгуульд мэдээлэлтэй оролцуулахад хувь нэмэр оруулах зорилгоор Хөгжлийн бэрхшээлтэй иргэдийн Хүртээмжтэй орчин аян, Мерси Кор Олон Улсын Байгууллагын Засаглалын хөтөлбөр “Сонгогч таны боловсролд-Санал өгөх туршилтын үйл ажиллагааг” –г Сонгуулийн Ерөнхий Хороотой хамтран Тусгаар тогтнолын талбайд 2012 оны зургадугаар сарын хорин дөрөвний өдөр зохион байгуулах байна.