НХХЯ-ны сайд Т.Ганди өнөөдөр сэтгүүлчдэд мэдээлэл хийлээ. Тэрээр “Өнөөдрийн 10 цагаас эхлэн нийслэл болон хөдөө орон нутгийн холбогдох арилжааны банкнуудаар дамжуулан ахмад настан болон хөгжлийн бэрхшээлтэй иргэдэд олгох хоёр дахь ээлжийн 330.000 төгрөгийг олгож эхэллээ. Сүүлчийн ээлжийн 340.000 төгрөгийг амалсан хугацаандаа олгож болох бүх арга хэмжээг авч байна” хэмээн мэдэгдлээ. Юутай ч өнгөрсөн долоо хоногийг хий дэмий банкинд оочерлосон иргэд өнөөдрөөс мөнгөө авч эхэллээ.