“Манангүй Монгол” хөдөлгөөнийхөн иргэдэд хандаж уриалга гаргаснаа дөнгөж сая хийсэн хэвлэлийн хурлын мэдэгдэв. Тэд “Өнгөрсөн хугацаанд иргэд бидний итгэл үзүүлж төрийн эрхэнд гаргасан АН, МАН улс орны хөгжлийн төлөө юу ч хийсэнгүй. Харин ч улс орны хөгжлийг хойш нь чангааж, улс орны хөгжилд зориулах ёстой хөрөнгө оруулалтын мөнгийг амлалтаа биелүүлэх гээд иргэдэд 10, 21, 50, 70 мянга, саяар нь тарааж орхилоо. Эрх баригч намын нэр бүхий цөөхөн хүн стратегийн орд газрыг гадаадынханд худалдаж, өөрсдөө ашгаа хүртсэн. Тэгээд ч өнгөрсөн дөрвөн жилд стандарт бус Засгийн газартай явж ирсэн учир иргэдийн амьдрал сайжраагүй, тэд юу ч хожоогүй” хэмээлээ.

Тиймээс энэ удаагийн сонгуулиар МАНАН хэмээх бизнесийн бүлэглэлээс салж, өөр нам, эвсэл, шинэ нэр дэвшигчийг сонгохыг иргэдэд уриалж буйгаа илэрхийлсэн юм. “Манангүй Монгол” хөдөлгөөнийхөн тодорхой нам, эвсэл, улстөрчийн явуулгаар иргэдэд хандаж ийм уриалга хийгээгүй гэдгээ ч мэдэгдсэн юм.