Ойрын өдрүүдэд “хүн амьдардаггүй газар иргэдийг бүртгэсэн байна”, “огт байхгүй хүнийг бүртгэсэн байна”, “нэг хаяганд олон хүнийг давхардуулан бүртгэсэн байна” гэсэн яриа гарч сонгуулийг будлиантай болоход “Улсын Бүртгэлийн Ерөнхий Газар”-ыг гар бие оролцож байна гэх болсон. Тэгвэл өнөөдөр Улсын Бүртгэлийн Ерөнхий Газраас хариу мэдэгдэл хийлээ. Тэд дээрх зөрчлүүд гарсан болохыг хүлээн зөвшөөрсөн юм. Гэхдээ эдгээр зөрчлүүд нь тус байгууллагын үйл ажиллагаанаас үл хамаарч бий болсон ба иргэд, хүмүүсийн амьдралын нөхцөл, зайлшгүй шалтгааны улмаас үүдэн гарсан гэж тайлбарлалаа. Тухайлбал гэр хороолын айлуудад хаягийг давхардуулж олгосон байсан нь тус байгууллагат хамаагүй бөгөөд хаягжилтыг хороо, дүүргийн захиргаанаас олгодог болохыг сануулсан юм. Мөн зарим иргэд бусдад байр орон сууцаа түрээслүүлсэн байдаг, олон жилийн өмнө нүүсэн боловч шилжилт, хөдөлгөөний бүртгэл хийлгээгүй байсан зэрэг нь дээрх асуудлууд үүсэх шалтгаан болсон байна. Тиймээс Улсын Бүртгэлийн Ерөнхий Газраас зориудаар ямар нэгэн хууль зөрчсөн болон бүртгэл буруу хөтөлсөн асуудал байхгүй ээ гэж мэдэгдсэн юм. Харин энэ асуудал нь сонгуулийг будлиантай болох үндэс болохгүй бөгөөд, иргэд өөрсдөө хүсэлт гаргаж хаягийн зөрчлөө арилгуулахгүй бол бүртгэлийн байгууллагаас хүчээр шийдвэрлэх боломжгүй гэсэн юм.