Улаанбаатар хотын сонгуулийн хэсгийн тойргоос 5000 ширхэг саналын хуудсыг автомат машин уншихгүй байсан тохиолдол гарчээ. Үүнээс үүдэн хуурамч саналын хуудас илэрлээ хэмээн албаны хүмүүс СЕХ-нд ханджээ. СЕХ-ны дарга Н.Лувсанжаваас энэ талаар тодруулахад “Бид энэ мэдээллийг өглөө хүлээж авсан. 5000 гэдэг тоо ор үндэсгүй, тодорхой тоо дурьдах боломжгүй ч үүнээс харьцангуй цөөн хуудас байгаа гэсэн. Тухайн хэсгийн хорооны даргыг дуудаж уулзан асуудлыг тодруулахад санал тоолох хуудсын хэмжээ зөрсөн байсан. Энэ нь “Мөнхийн үсэг” компанийн хэвлэлтийн алдаа байснаас биш хуурамч саналын хуудас байгаагүй. Саналын хуудсны нууцлал бүгд байсан хэдий ч хэмжээ нь мм-ээр зөрсөн учраас машин нь уншихгүй тохиолдол гарсан. Дээрх саналын хуудсыг лацадсан байгаа. Сонгууль дууссаны дараа асуудлыг шалгах болно” гэсэн хариултыг өгчээ.  
У.Бадам