Чингэлтэй дүүргийн 31 дүгээр хэсгийн хороонд АН-ыг төлөөлж буй ажиглагч Г.Батбаяр:

-Энэ хэсгийн хороо өглөө 07:30 цагт нээлтээ хийж, иргэдээс санал авч эхэлсэн. Өглөө эртлэн ирж саналаа өгсөн хүмүүсийн олонхи нь залуучууд байна. Залуусын нийгмийн идэвх дээшилсэнд олзуурхаж л сууна. Өмнө нь олон удаа сонгуульд оролцсон. Энэ удаагийн сонгууль өмнөхөөсөө хэд хэдэн зүйлээр онцлог болж байгааг иргэд ч сайн мэдэж байгаа. Сонгуульд хэрхэн оролцох, саналын хуудсаа яаж бөглөх талаар иргэд мэдээлэл сайн авчээ гэж хувьдаа дүгнэж байна. Яахав, саналын хуудас хүчингүй болгох тохиолдол өглөөнөөс хойш зургаан удаа гарлаа л даа. Энэ нь зарим хүний боловсролын төвшин доогуур, бүр бичиг үсэг тайлагдаагүйгээс болсон.