Улсын Дээд шүүхийн хяналтын шатны эрүүгийн хэргийн шүүх хуралдаанаар Б.Болд-Эрдэнэд холбогдох хэргийг хэлэлцжээ.  Тэрээр өнгөрсөн оны наймдугаар сард Төв аймгийн Сэргэлэн сумын тавдугаар багийн нутаг Далан шар гэдэг  газарт бөөгийн зан үйл хийж байгаад иргэн Н-ийг халуун усны уураар түлж, бусдыг болгоомжгүйгээр хөнөөсөн гэмт хэрэгт холбогдсон юм.  
Төв аймаг дахь сум дундын шүүх эл хэргийг одоогоос гурван сарын өмнө хэлэлцээд Б.Болд-Эрдэнийг бусдыг болгоомжгүйгээр хөнөөсөн гэмт хэрэг үйлдсэн гэм буруутайд тооцож, гурван жил хорих ял оноосон байна. Тэрээр эл шийтгэлийг хүлээн зөвшөөрөхгүй давж заалдсан боловч, ялын тогтоолд өөрчлөлт оруулаагүй гэнэ. Тиймээс хяналтын шат буюу Улсын Дээд шүүхэд гомдол гаргажээ. Эл гомдлыг тус шүүхийнхэн хэлэлцээд Б.Болд-Эрдэнэд гурван жилийн хорих ял оноосон нь үндэслэлтэй гэж үзсэн байна.