НИТХ-ын сонгууль мажоритараар буюу тойрогт 30 нэр дэвшигчийг сонгож, пропорциональ буюу жагсаалтаар 15 төлөөлөгч оруулах ёстой. Сонгуулийн дүнгээр Ардчилсан нам 20 тойрогт, МАН 10 тойрогт нь ялалт байгуулсан байна.

НИТХ-ын сонгуульд 517.417 хүн санал өгчээ. Үүнээс намд өгсөн саналын хувийг тооцвол:
АН- 35.53 хувь
МАН- 26.15 хувь
МАХН-МҮАН-ын “Шударга ёс эвсэл”-22.77 хувь
ИЗНН-8.02 хувь
Гурав дахь хүчин эвсэл- 2.53 хувь
МУНН-2 хувь
Эх орон нам -0.52 хувь
Иргэний хөдөлгөөний нам-0.91 хувь
Эх орончдын нэгдсэн нам- 0.46
Монголын социал демократ нам - 0.21 хувийн саналыг авчээ.
Намд өгсөн саналыг намуудад хуваавал жагсаалтаар МАН-4, АН-6, ИЗНН-1, МАХН-МҮАН-ын “Шударга ёс эвсэл” 4 суудал авах юм. Нийлбэр дүнгээр МАН-14, АН-26, ИЗНН-1 суудал авсан байна.
Ийнхүү 22 жил нийслэлд “ноёрхсон” МАН-ынхан /МАХН/ халаагаа АН-ынханд өглөө. Урьд өмнөх Орон нутгийн сонгуульд Нийслэлийн Ардчилсан нам ийм амжилт гаргаж байсангүй. Тиймээс Нийслэлийн АН-ынхан түүхэн амжилт үзүүллээ гэж тунхаглаж буй. УИХ-ын гишүүн Э.Бат-Үүл нийслэлд АН үнэмлэхүй ялалт авч нийслэлийн ИТХ-д олонхи болвол Хотын дарга болно гэсэн болзолтойгоор энэ удаагийн сонгуульд оролцсон. Тиймээс энэ ёсоор нийслэлийг ирэх дөрвөн жил Э.Бат-Үүл  удирдах нь нэгэнт тодорхой боллоо. Нийслэлийн АН сонгуульд оролцохдоо гэр хорооллыг амины орон сууцны хороолол болгоно гэсэн амлалт өгсөн. Энэ амлалтаа хэрхэн биелүүлэхийг харах л үлдлээ. Харин НИТХ-д 10 суудал авсан МАН-ынхан бүлэг байгуулах эрхтэй болж байгаа юм.
Ингээд НИТХ-ын сонгуульд нэр дэвшигчид хэдэн хувийн санал авсныг хүргэе.