Нийслэлийн шүүх өнөөдөр “Петро Чайна Дачин Тамсаг” компанийн гүйцэтгэх захирал С.Мэргэнсодын давж заалдах гомдлыг хэлэлцэнэ. Одоогоос хоёр сарын өмнө Баянзүрх дүүргийн шүүхээс тус компанийг Дорнод аймгийн Матад сумын нутгаасгазрын тос олборлож, байгаль орчны нөхөн сэргээлт хийгээгүй хэмээн 1.3 тэрбум төгрөгийн нөхөн төлбөр гаргуулах шийдвэр гаргасан юм.
Эл шийдвэрийг хүлээн зөвшөөрөхгүй захирал нь давж заалдсан билээ.
Нийслэлийн шүүх эл гомдлыг хэлэлцэхээр өнгөрсөн сард товлосон боловч “Петро Чайна Дачин Тамсаг” компанийнхан өмгөөлөгчөө сольсон учир шүүх хурал өнөөдрийг хүртэл хойшлоод байсан юм.