БНСУ болон бусад орнуудаас туршлага судалж, санал бодлоо солилцохоор Цөмийн энергийн газар, Шинжлэх ухааны академийн Физик технологийн хүрээлэн болон МУИС-ийн Цөмийн судалгааны төвийн судлаачид  “ Цөмийн эрчим хүчний дэд бүтцийн хөгжил-2012”  семинарт оролцож байна.  Семинарыг Сөүлийн үндэсний их сургууль, Солонгосын Цөмийн зэвсэг үл дэлгэрүүлэх болон хяналтын хүрээлэн хамтран Сөүл хотноо зохион байгуулж байгаа юм.  Тус семинар таван өдөр үргэлжлэх бөгөөд  21 дүгээр зууны эрчим хүчний тогтолцоо сэдвээр эхэлж Солонгос улсын үндэсний эдийн засгийн төлөвлөгөө, Эрчим хүчний хөгжлийн түүх ба төлөвлөлт, Анхны цөмийн эрчим хүчний эх үүсвэр байгуулах төслийн туршлага гэсэн сэдвээр үргэлжлэх юм.