Сонгуулийн дүнг хүлээн зөвшөөрөхгүй байгаагаа Ховд аймагт нэр дэвшсэн Ш.Адьшаа хэлж хэвлэлийнхэнд хандлаа. Тэрээр эргэлзэж байгаа зүйл их байгааг хэлж байлаа. Яагаад гэхээр, шударга явагдаагүй. Сонгуулийн тайлан мэдээ үнэн шударгаар гараагүй. Тиймээс би хууль хяналтын байгууллагад хандаж байгаа юм. Хэрэв сонгуулийн тооллогын үр дүн шударга гарсан бол би бусад нэр дэвшигчиддээ би цэцэг бэлэглэх байлаа. Ховд аймагт 92 хэсгийн хороотой. Энэ хэсгийн хороодод санал тооллогын дүн янз бүрээр гарч байсан. тухайлбал, санал тоолох автомат машин санал тооллоын дүнг 20-30 минутын дараа гаргана гэсэн хуультай. Энэ дагуу мэдээлж байсан. Гэтэл сүүлдээ саналын дүн хэдэн цагаар сунжирч эхэлж, будлиантсан. Ер нь, энэ сонгуулиар бие даагчдад хаалттай зүйл их байсан. 92 хэсгийн хорооноос санал тоолох машины биллийг нэр дэвшигчдэд өгөх ёстой. Гэтэл үүнээс хоёр нь л өгсөн” гэв. Мөн энэ сонгуулиар маш их хууль зөрчсөн үйлдэл гарсан гэнэ. Тухайлбал, хууль сахиулах ёстой УИХ-ын дарга Д.Дэмбэрэл төрийн машин унаж сонгуулийн сурталчилгаа хийж, нэр дэвшигч Ш.Адьшааг уулзалт хийсний дараа 2-3 цагийн дараа сонгогчидтой уулзаж, “Бие даагчийг битгий сонгоорой” гэж хэлж байсан гэнэ. Мөн МАН-аас нэр дэвшигч С.Бямбацогт, МАХН-аас нэр дэвшигч Батцогт нар сонгуулийн сурталчилгааг гэр бүлийн сурталчилгаа явуулжээ. Мөн сонгуулийн сурталчилгааны штабад чагнах тагнах хэрэгсэл байрлуулсан байжээ. Энэ мэтээр хууль бус зүйл маш их хийсэн гэдгийг тэрээр хэлсэн юм.