“Монголын төмөр зам” төрийн өмчит компанийн захирал Б.Батзаяаг Төрийн өмчийн хорооны даргын үүрэг гүйцэтгэгч н.Заяабал сар гаруйн өмнө ажлаас нь чөлөөлсөн шийдвэр гаргасан. Ингэхдээтэрээр хөдөлмөрийн гэрээ дуусгавар болсон учраас ажлаас чөлөөлөө гэсэн үндэслэл гаргаж тавьсан. Гэвч энэ шийдвэр нь хууль бус болохыг өнөөдөр Чингэлтэй дүүргийн шүүх тогтоожээ. Холбогдох дүрэм журмын дагуу хөдөлмөрийн гэрээг сунгах эсэх болон ажлын үр дүнг цаг хугацаанд нь хэлэлцэлгүй “МТЗ” ТӨК-ийн захирал Б.Батзаяаг ажлаас нь чөлөөлсөн нь хууль бус шийдвэр гэж шүүхээс үзсэн байна. Ингээд хууль бус шийдвэрийг залруулж, Б.Батзаяаг ажилд нь эргүүлэн томилох шүүхийн шийдвэр гарчээ.