СЕХ-оос УИХ-ын гишүүнээр сонгогдогчдын нэрсийн жагсаалтаас УИХ-ын сонгуулийн 10 дугаар тойрог, Өвөрхангай аймагт МАН-аас нэр дэвшин ялалт байгуулсан С.Чинзориг, Н.Төмөрхүү нарын нэрийг хасч, Ерөнхийлөгчид өргөн барьсан нь хууль зөрчсөн үйлдэл гэж дээрх нэр дэвшигчид үзэж байна. Тэднийг АН-аас нэр дэвшигч Г.Батхүү, Д.Зоригт нар насанд хүрээгүй хүүхдийг сонгуулийн сурталчилгаандаа ашигласан, сонгогчдын саналыг татах зорилгоор иргэдэд эд бараа үнэгүй тараасан гэсэн үндэслэлээр Өвөрхангай аймгийн цагдаагийн хэлтэс, прокурорын газраар шалгуулсан боловч гэмт хэргийн бүрэлдэхүүнгүй болох нь тогтоогдсон байна. Гэтэл Г.Батхүү дээрх худал баримтаа ямар ч хариуцагч байхгүйгээр Хан-Уул дүүргийн шүүгч н.Мөнхбаярт өгч хууль зөрчсөн гэсэн дүгнэлт гаргуулжээ. Тэдний хэлж байгаагаар Хан-Уул дүүргийн шүүх Өвөрхангай аймгийн сонгуулийн маргааныг эцэслэх үндэслэлгүй гэнэ. Тиймээс МАН- аас нэр дэвшсэн С.Чинзориг, Н.Төмөрхүү нар Г.Батхүүг Хан-Уул дүүргийн шүүгчийг худалдаж авсан хэмээн хардаж байгаагаа дуулгасан юм.