Урин дулааны улирал эхэлсэн учир иргэд гэр бүл, хамт олноороо аялал зугаалгаар явах нь ихэслээ.  Үүнтэй зэрэгцэн ойрын өдрүүдэд усархаг бороо орсноор томоохон голын усны түвшин  нэмэгдсэнийг албаныхан хэлж байна. Тиймээс Нийслэлийн Онцгой байдлын газрын Аврах салбар, НЦГ-ын Хэв журмын болон Олон нийттэй харилцах хэлтэс, Нийслэлийн хөдөлгөөнт эргүүлийн газар, Баянзүрх, Хан-Уул, Сонгинохайрхан дүүргийн цагдаагийн хэлтсийн Олон нийттэй харилцах ахлах болон хүүхдийн байцаагч нар хамтран Баянзүрх, Хан-Уул, Сонгинохайрхан дүүргийн нутагт Хар усан тохой, Баянзүрхийн гүүр, Төмөр замын гүүр, Маршалын гүүр, Зайсангийн гүүр, Яармагийн гүүр, Сонсголонгийн гүүр, Биокомбинатын гүүр, тогтоол нуур, цөөрөм зэрэг газарт “Завьт эргүүл, сэрэмжлүүлэг” нэгдсэн арга хэмжээ зохион байгуулан ажиллаж байгаа юм.
Өнгөрсөн сарын сүүлээр эхэлсэн  энэ арга хэмжээ энэ сарын 20-ныг дуустал үргэлжилнэ гэдгийг албанхан хэллээ.