Сүхбаатар дүүргийн шүүх маргааш МАХН-ын дарга, Ерөнхийлөгч асан Н.Энхбаяр, Нийслэлийн өмчийн харилцааны газрын орлогч дарга асан Д.Дуламсүрэн, “Улаанбаатар таймс” сонины ерөнхий эрхлэгч асан До.Чулуунбаатар, “Helon Company Ltd”, “Great global international” компанийн захирал Ж.Мягмаржаргал нарын хэргийг хэлэлцэнэ. Гэтэл шүүгдэгч нарын өмгөөлөгч, улсын яллагч, шүүгч нь амралтаа авсан учир шүүх хурал ирэх есдүгээр сараас наана болохгүй гэсэн мэдээлэл түгээд буй. Тиймээс Сүхбаатар дүүргийн шүүхийн Тамгын албаны дарга Э.Батмөнхөөс дараахь зүйлийг тодрууллаа.

-Маргааш болох МАХН-ын дарга, Ерөнхийлөгч асан Н.Энхбаяр нарын шүүх хурлыг хойшилно гэсэн мэдээлэл түгэж байна. Шүүх хуралд оролцогчдын хэн нэгнээс хурал хойшлуулах тухай ямар нэг хүсэлт, санал тавьсан уу?
-Одоогоор өмгөөлөгч, улсын яллагч, шүүгч нарын хэнээс нь ч шүүх хурал хойшлуулах тухай хүсэлт, санал ирээгүй байна. Тиймээс шүүх хурал болдгоороо болно.
-Шүүгч нь амралтаа авсан гэх юм. Үнэн үү?
-Бүрэлдэхүүнд багтсан шүүгч бүгд ажлаа хийж байгаа.