Чингэлтэй дүүргийн шүүх маргааш Зоос банкны 113 дугаар салбарын захирал Ж.Алтанцаг, Гадаад дахь төлбөр, тооцоо хариуцсан санхүүгийн албаны дарга П.Сэлэнгэ нарт холдбогдох хэргийг хэлэлцэнэ. Тэднийг энэ сарын эхээр шүүх байсан ч улсын яллагч солигдсоноор хойшлоод байсан юм.
Ж.Алтанцаг, П.Сэлэнгэ нарыг Эрүүгийн хуулийн Банкны хууль тогтоомж зөрчсөн гэсэн зүйл ангиар буруутгаж байгаа. Хэрвээ гэм буруутай нь тогтоогдвол эд хөрөнгийг нь хурааж хөдөлмөрийн хөлсний доод хэмжээг 251-500 дахин нэмэгдүүлсэнтэй тэнцэх хэмжээний төгрөгөөр торгох, эсвэл 5-8 жил хүртэл хугацаагаар хорих ял шийтгэх аж.