Засгийн газрын хуралдаанаар “Гэмт хэргээс урьдчилан сэргийлэх мэдээлэл, сурталчилгааны хөтөлбөр” хөтөлбөрийг хэрэгжүүлэх арга хэмжээний төлөвлөгөөг баталжээ. Хөтөлбөрийн төлөвлөгөөнд тусгасан арга хэмжээг харьяа нутаг дэвсгэртээ зохион байгуулах, хэрэгжүүлэхэд шаардагдах хөрөнгийг жил бүрийн улсын болон орон нутгийн төсөв, олон улсын байгууллагын зээл тусламжаар бүрдүүлэх арга хэмжээ авахыг ХЗДХ-ийн сайд болон аймаг, нийслэлийн Засаг дарга нарт даалгав. Мөн хэрэгжилтийн явц, үр дүнг нэгтгэж, жил бүрийн нэгдүгээр улиралд багтаан Засгийн газарт танилцуулж байхыг ХЗДХ-ийн сайдад даалгасан байна. Уг хөтөлбөр нь иргэдийн эрх зүйн мэдлэгийг дээшлүүлэх, батлагдсан хууль тогтоомжийг иргэдэд шуурхай, хүртээмжтэйгээр хүргэх, мэдээлэл сурталчилгааг явуулахдаа оновчтой хэлбэрийг сонгон авч, тэдний нас биений онцлог, сонирхол, мэдээлэл авах шаардлага хэрэгцээнээс хамааран орчин үеийн сургалтын дэвшилттэй талыг ашиглах зорилготой юм.