МАХН-МҮАН-ын “Шударга ёс” эвслийн Удирдах зөвлөл хуралдаж, ойрын үед болох УИХ-ын чуулганы хуралдаан дээр гурван гишүүнийхээ тангаргийг өргүүлэх шаардлагатай гэсэн шийдвэр гаргажээ. Гэхдээ Удирдах зөвлөлийн гишүүдийн зарим нь гурван хүнийхээ хоёрынх нь тангаргийг нь өргүүлэе гэсэн санал гаргасан байна. Учир нь, МАХН-ын дарга, Ерөнхийлөгч асан Н.Энхбаярыг нэр дэвшигчээс хассан нь үндэслэл Үндсэн хууль зөрчсөн байж магадгүй гэж хуульчид үзэж байгаа гэнэ.Тиймээс “Шударга ёс” эвслийнхний хэлснээр бол О.Баасанхүү, Ц.Цолмон нар ойрын үед УИХ-ын гишүүний тангаргаа өргөх нь. Харин жагсаалтаар сүүлд орж ирэх Ц.Оюунбаатарын хувьд Н.Энхбаяраас болж УИХ-ын гишүүн болохгүй нь бололтой. Экс Ерөнхийлөгч тахимааа өгөхгүй дахин Үндсэн хуулийн цэцэд гомдол гаргахаар болсон гэнэ.