Өчигдөр УИХ-ын чуулганы нэгдсэн хуралдаан болж МАХН, МҮАН-ын “Шударга ёс” эвслээс УИХ-д сонгогдсон О.Баасанхүү, Ц.Цолмон нарыг тангараг өргүүлэн, Өргөдөл гомдлын байнгын хороо байгуулах шийдвэр баталснаар завсарласан. Өнөөдөр УИХ-ын нэгдсэн чуулганы хуралдаантай байдаг хуваарьт өдөр. Гагцхүү УИХ дахь МАН-ын гишүүд “Өвөрхангайн хоёр гишүүний тангаргийг өргүүл, УИХ-ын дарга эрхзүйн чадамжгүй, таван тойрогт саналын хуудсыг гараар тоолох ёстой гэсэн шаардлага тавин өнөө болтол УИХ-ын чуулганы хуралдаанд оролцохгүй байгаа юм. Эдгээр шалтгаануудаа тоочин УИХ дахь намын бүлгээ ч хуулийн хугацаанд нь байгуулаагүй өнөө хүрч байна.