Монгол Улсын Үндэсний номын сан өвлийн тэргүүн сарын шинийн нэгний билэгт сайн өдөр Эзэн Богд Чингис хааны мэлмий гийсний 856 жилийн ойд зориулж 09:00-17:00 цагт Монголчуудын бичиг соёлын хосгүй үнэт бүтээлүүдийг дэлгэсэн Үнэт ховор номын музейг олон нийтэд үнэ төлбөргүйгээр үзүүлэхээр болжээ. Түүгээр ч зогсохгүй Монголын бурхан шашинтны төв Гандантэгчинлин хийд, Занабазарын нэрэмжит Дүрслэх урлагийн музейн сан хөмрөг дэх шүтээн хөргүүдийн дээжсээс толилуулахаар болсон байна.
Мөн энэ өдөр Чойжин ламын сүм музей энэ сарын 8-ны өдөр цагийн хуваарийн дагуу ажиллахаар болсон бол Монголын Үндэсний музей 09.00-16.30 цаг хүртэл ажиллах нь.
Харин Улсын дуурь бүжгийн эрдмийн театр ”Монгол бахархалын өдөр”-т зориулан Б.Шаравын “Чингис хаан” дууриа тоглохоор болжээ.Та бүхэн амралтын өдрөө Монголын сонгодог бүтээлээ үзэж, оюуны таашаал авч өнгөрүүлэх боломжтой юм.
