Улаанбаатар хотноо шүүхээс Монгол Улсын экс ерөнхийлөгч Намбарын Энхбаярыг 4 жил шоронд хорих шийдвэр гаргалаа. Н.Энхбаярыг дөрөвдүгээр сард авлига, албан тушаалаа урвуулан ашигласан зэрэг  хэрэгт буруутган баривчилсан юм. Ерөнхий сайд, УИХ-ын дарга, Ерөнхийлөгч асан тэрээр өөрийнхөө бурууг хүлээхгүй, харин ч улс төрийн зорилгоор өөрийг нь буруутгаж байна гэж мэдэгдэж байсан юм. Хятадын Синьхуа агентлагийн мэдээлснээр Н.Энхбаярыг шашин сурталчлах зориулалттай телевизийн тоног төхөөрөмжийг хууль бусаар авсан, зочид буудал, хэвлэлийн газрыг хууль зөрчин хувьчилж авсан гэж буруутгажээ.  Шүүх эхлээд экс-ерөнхийлөгчийг долоон жил хорьж, хөрөнгийг  нь хураахаар шийдвэрлэсэн ч хоригдох хугацааг нь дөрвөн жил болгож богиносгосон юм. Шүүх бас хийдэд мөнгө төлөх ёстой гэжээ.
Монголд парламентын сонгууль болохын өмнө зургадугаар сард Н.Энхбаяр Би-би-си-д ярилцлага өгөхдөө хамгийн гол нь өөрийг нь сонгуульд оролцуулахгүйн төлөө ингэж буруутгаж байгаа юм гэж байсан юм.
Намбарын Энхбаяр 2000-2004 онд Монгол Улсын Ерөнхий сайд, 2005 оноос Монгол Улсын Ерөнхийлөгчийн алба хашиж байгаад 2009 онд Ардчилсан намаас нэр дэвшигч Цахиагийн Элбэгдоржид тун бага зөрүүгээр ялагдсан юм гэж bbc.co.uk/Russian сайтад бичжээ.