Засгийн газрыг тэргүүлж ажиллах Ерөнхий сайдыг өнөөдөр Ерөнхийлөгчтэй зөвшилцөх тухай мэдээлэл байгаа. Ерөнхий сайдад АН-ын дарга Н.Алтанхуягийг нэр дэвшүүлж буй. Мөн Нийслэлийн Засаг даргад Э.Бат-Үүлийг нэр дэвшүүлэх тухай яг одоо “Хангарьд” ордонд НИТХ-ын төлөөлөгчид хэлэлцэж байна. Тэгэхээр энэ долоо хоногт ямар ч байсан шинэ Засгийн газрын сураг ажил дуулдаж эхлэх нь бололтой. Ерөнхийлөгч Ц.Элбэгдорж ч гэсэн “Наймдугаар сард багтаан Засгийн газар байгуулагдана гэдэгт итгэлтэй байна” гэж хэлжээ. Тиймээс удтал гацсан улс төр энэ долоо хоногоос амь орж эмх цэгцэндээ орох нь.