Нийслэлийн иргэдийн төлөөлөгчдийн хурлын сонгууль болоод сар гаруйн хугацаа өнгөрөөд байгаа. Улс төрийн нөхцөл байдлаас болж зарим томилгоотой холбоотой асуудал ч дагаад удаашрах янзтай байгаа юм. Ингэж хүлээж байх зуур хугацаа алдаж байна, мөн нийслэлийн өмнө тулгамдсан олон ажил овооч, өвөлжилтийн бэлтгэл ажил удааширч байгааг хэн хүнгүй хэлэх болов. Тиймээс нийслэлийн парламент ямар ч байсан дараагийн дөрвөн жил Улаанбаатарыг удирдах Засаг даргад Э.Бат-Үүлийг нэр дэвшүүлж, ажлаа хэвийн явуулахаар шийдсэн. Энэ тухайгаа Ерөнхий сайдад танилцуулж, Э.Бат-Үүлийг хотын даргад нэр дэвшүүлж буйгаа мэдэгдээд байна. Ээлжит бус хуралдаан хийж буй Засгийн газар удахгүй ямар нэг шийдвэр гаргах биз ээ.