УИХ-ын гишүүн Ц.Оюунгэрэл ХЗДХ-ийн сайд Ц.Нямдоржид Тираннозавр батаартай холбоотой асуудлаар асуулга тавьжээ. Энэхүү асуулгад Тираннозавр батаарын араг ясыг анх худалдсан газар гэгдэх Япон улс, араг ясыг АНУ руу оруулахын өмнө хадгалж байсан ИБУИНВУ-ын хууль хяналтын байгууллагатай хамтарч ажиллах хүсэлт тавьсан, мөрдөн байцаалт явуулах эсэх.
Түүнчлэн энэхүү үнэт олдворыг олон улсад дамжуулан зарах гэж байсан АНУ-ын иргэн Эрик Прокопи, ИБУИНВУ-ын иргэн Крис Мор нар Монгол Улсын хилээр хэзээ нэвтэрсэн болон ямар статустайгаар манай улсад оршин сууж байсан болох. Тираннозавр батаарыг Монголоос хэрхэн олборлож, хэрхэн хилийн чандад гаргасан эсэхийг шалгаж нягталсан эсэхийг тодруулахыг хүсчээ. Хуульд заасны дагуу дээрх асуулгын хариуг 14 хоногийн дотор бичгээр ирүүлж, улмаар Хууль зүйн байнгын хорооны хуралдаанд танилцуулахыг хүссэн байна.