Ерөнхийлөгчийн Тамгын газар парламентын сэтгүүлчдэд зориулж шинээр танхим нээхээр болжээ. Эл танхим Төрийн ордны гуравдугаар давхарт байрлах гэнэ. Сэтгүүлчдийн танхимыг ирэх сарын эхээр ашиглалтад оруулахаар төлөвлөжээ. Шинээр нээх танхимыг парламентын сэтгүүлчдийн одоогийн сууж буй танхимтай адил компьютер, техник хэрэгслээр хангаж, интернэтийн сүлжээнд холбох юм байна. Ингэж танхим нээх болсон нь Ерөнхийлөгч, УИХ, Засгийн газрын үйл ажиллагааг сурвалжилж, олон түмэнд цаг алдалгүй мэдээлэл хүргэдэг сэтгүүлч, хэвлэл мэдээллийн байгууллагын тоо нэмэгдсэнтэй холбоотой аж.
Сэтгүүлчдийн одоогийн сууж ажлаа хийдэг танхимыг гурван жилийн өмнө УИХ-ын Тамгын газар, Хэвлэл мэдээлэл, олон нийттэй харилцах хэлтсээс санаачлан нээж өгч байжээ.