Төсвийн байнгын хорооноос 2013 оны төсвийн төслийг Сангийн яаманд хүргүүлэхдээ шинэ парламентын гишүүдийн орон сууцны хэрэгцээнд зориулан 220 сая төгрөг төсөвлөжээ. Тэр дунд нь Чингэлтэй дүүргийн гэр хороололд амьдарч буй З.Баянсэлэнгэ гишүүн багтаж байгаа гэнэ. Уг нь, ард түмний амьдралыг сайжруулна, шударга ёсыг тогтооно хэмээн итгэлийг нь хүлээсэн тэд заавал хотын төвд гурван өрөө супер байр гэлтгүй ард түмнийхээ дунд бүр гэр хороололд яагаад амьдарч болохгүй гэж. Ард түмнийхээ амьдралыг мэдэрч байж улс төрийн зөв шийдвэр гаргамаар.  Эгэл түмнээсээ тасарч амьдарлаа гээд амьдралыг нь суга дээшлүүлээд, нийгэм, эдийн засгийг өөд нь татсан нэгээхэн зүйл гараагүй. Азийн бар Сингапурын хөгжлийн нууцын нэг нь Ерөнхийлөгч нь ард түмэнтэйгээ адил хуучин орон сууцанд амьдарч, ажил руугаа алхаж явдаг даруухан удирдагч байсантай холбоотой гэдэг.