Үндсэн хуулийн цэцийн есөн гишүүн бүгд ээлжийн амралтаа авчээ. Дээрх байгууллага ирэх сарын 1-нээс ажилдаа орох аж.
Цэцийн хувьд хамтын шийдвэр  гаргадаг байгууллага. Тиймээс 3-4 гишүүн нь ээлжийн амралтаа авчихвал Цэц шийдвэр гаргах эрхгүй. Иймээс л тус газрын есөн гишүүн нэг дор амралтаа авдаг уламжлалтай. Цэцийнхэн ийнхүү амралтаа авсантай холбоотой олон асуудал намрыг хүлээх болж. Тухайлбал МАН-ынхан “УИХ-ын даргыг хууль бусаар томилсон” гэж гомдол мэдүүлсэн. Харин УИХ-ын гишүүн Р.Бурмаа “УИХ-ын гишүүн Д.Дэмбэрэл Анхдугаар чуулганы хуралдааныг тасалдуулж хууль зөрчсөн” гэсэн үндэслэлээр Цэцэд гомдол мэдүүлээд байгаа билээ. Дээрх асуудлууд Үндсэн хуулийн цэцийн гишүүдийн ээлжийн амралт дуусахыг хүлээж байна.