Нийслэлийн МАН-ын хорооны даргаар Нийслэлийн Газрын албаны дарга Ц.Сандуйг томилжээ. МАН-ын Удирдах зөвлөлийн хуралдаан өчигдөр орой хуралдаж энэ шийдвэрийг гаргасан байна. Гэхдээ Ц.Сандуйг өрсөлдөгчгүйгээр нэр дэвшүүлэх санал гаргасан хотын фракц, зүүний хүчний холбооныхны дунд багагүй маргаан өрнөжээ. Тухайлбал, Ц.Сандуйг өрсөлдөгчгүй нэр дэвшүүлэх нь буруу хэмээж Гадаад харилцааны дэд сайд Г.Тэнгэрийг нэр дэвшүүлсэн ч хүлээж аваагүй аж. Ингээд санал хураах мөчиж УИХ-ын гишүүн асан Ц.Батбаяр заалнаас өөрийнхөө нэрийг дэвшүүлж нэг хүний саналаар Ц.Сандуйд ялагджээ. Мөн Нийслэлийн МАН-ын хорооны дэд дарга нарыг баталжээ. Дэд даргаар Б.Энхтөр, УИХ-ын гишүүн асан Ш.Сайхансамбуу, Нийслэлийн ИТХ-ын МАН-ын бүлгийн дарга Д.Амарбаясгалан, НИТХ-ын төлөөлөгч М.Ганбаатар нар ажиллахаар болжээ.