Ерөнхийлөгч Шүүхийн Ерөнхий зөвлөлийн саналыг үндэслэн зарлиг гаргаж, эрүүл мэндийн байдлаар үүрэгт ажлаа гүйцэтгэх боломжгүй болсон зарим шүүгчийг үүрэгт ажлаас нь чөлөөллөө. Тухайлбал, Д.Батсайханыг Улсын Дээд шүүхийн шүүгчийн албанаас чөлөөлсөн бол тэтгэвэр тогтоолгох насанд хүрсэн З.Цэнгэнбаяр, О.Гэрэл нарыг Нийслэлийн шүүхийн шүүгчийн албанаас чөлөөлжээ.
Түүнчлэн М.Цэрэнбалжирыг Сонгинохайрхан дүүргийн шүүхийн шүүгчийн, С.Сайраныг Баян-Өлгий аймгийн Захиргааны хэргийн шүүхийн шүүгчийн, бүрэн эрхийн хугацаа дууссан А.Сайнтөгсийг Дорноговь аймаг дахь сум дундын хоёрдугаар шүүхийн Ерөнхий шүүгчийн албан тушаалаас чөлөөлсөн байна.