УИХ-ын Төрийн байгуулалтын байнгын хорооны хуралдаанаар Засгийн газрын бүтэц бүрэлдэхүүний тухай хуулийн төслийг хэлэлцэж 100 хувийн саналаар дэмжлээ. Гэхдээ эл хуультай холбогдлуулан МАН-ын зарим гишүүнээс зарчмын зөрүүтэй санал хураалгасан ч төдийлэн дэмжигдсэнгүй. Тухайлбал, УИХ-ын гишүүн Я.Содбаатар, Н.Энхболд, С.Бямбацогт нар Эдийн засгийн хөгжлийн яамыг ерөнхий чиг үүргийн яам болгох санал гарсан ч Байнгын хороонд оролцсон гишүүд дэмжсэнгүй. Мөн УИХ-ын гишүүн Д.Оюунхорол, Ц.Даваасүрэн нар Мэргэжлийн боловсролын төвийг одоогийн Хөдөлмөрийн яамнаас салгаж Боловсрол соёл шинжлэх ухааны яаманд шилжүүлэх нь зүйтэй гэсэн санал гаргасан ч мөн л дэмжсэнгүй. Энэ мэтээр сөрөг хүчнийхний гаргасан дэмжигдэлгүйгээр Ерөнхий сайдын оруулж ирсэн Засгийн газрын бүтэц бүрэлдэхүүний тухай хуулийг Төрийн байгуулалтын байнгын хорооны хуралдаанаар дэмжин баталж, чуулганы нэгдсэн хуралдаанд шилжүүлсэн юм.