Баасан гараг уг нь УИХ-ын чуулганы нэгдсэн хуралдаантай байдаг хуваарьт өдөр. Өчигдөр Ерөнхий сайд Н.Алтанхуягийн өргөн барьсан Засгийн газрын бүтэц бүрэлдэхүүний тухай хуулийн төслийг УИХ-ын төрийн байгуулалтын байнгын хороо, нэгдсэн чуулганаар хэлэлцэж санал нэгтэй дэмжсэн болохоор өнөөдрөөс сайдуудын нэрийг ярьж эхэлнэ.
Яг одоо Төрийн ордонд УИХ дахь АН-ын бүлгийн хуралдаанаар Монгол Улсын Засгийн газрын сайдуудад хэн хэнийг дэвшүүлэхээ ярьж байгаа юм байна. Мөн УИХ-ын дэд даргад АН-аас хэнийг дэвшүүлэх асуудлыг ярих гэнэ.
Сайдуудын нэрийг Монгол Улсын Ерөнхийлөгчид өргөн барьж зөвшилцөөгүй байгаа болохоор өнөөдөртөө УИХ-ын чуулганы нэгдсэн хуралдаан болох эсэх тов тодорхойгүй байна.