МАХН-ын дарга, Ерөнхийлөгч асан Н.Энхбаяр шүүхээс дөрвөн жилийн хорих ял аван хоригдож буй. Түүний бие тааруу байгаа тухай мэдээллийг ойр дотныхон нь өгч байгаа юм. Тиймээс хэсэг иргэн нийлж Ерөнхийлөгч Ц.Элбэгдоржид хандан Монгол Улсын гуравдагч Ерөнхийлөгч Н.Энхбаярын эрүүл мэндэд анхаарч, яаралтай арга хэмжээ авахыг хүссэн захидал бичжээ. Иргэн Д.Энхболд тэргүүтэй арваад хүн бичсэн захидалдаа Н.Энхбаярын хийж бүтээсэн ажил, амжилт, гавьяаг нь дурдаад энэ хүн Монголын улс төр, ард түмэнд хэрэгтэй гэдгийг онцолсон байв.