Хамтарсан Засгийн газраас ИЗНН нэг сайдын суудал авсныгаа намынхаа дарга С.Оюунд өгчээ. Өчигдөр хуралдсан тус намын Улс төрийн зөвлөлийн хурлаас дээрх шийдвэрийг гаргасан байна. Байгаль орчин, ногоон хөгжлийн сайд хэмээх энэ албан тушаалд тус намын дарга С.Оюун, Ерөнхийлөгчийн зөвлөх Э.Зоригт, Байгаль орчны иргэний зөвлөлийн гишүүн Ц.Ширэндэв нарыг нэр дэвшүүлсэн аж. Ийн Н.Алтанхуягийн Засгийн газар бас нэгэн яамаа эзэнтэй болгож амжив. Харин одоо МАХН-МҮАН-ын Шударга ёс эвслээс гурван сайдын нэр тодрох үлдээд байгаа юм.