УИХ-ын үдээс хойших хуралдаанаар МАХН, МҮАН-ын “Шударга ёс” эвслээс Монгол Улсын Засгийн газрын гишүүн, сайдаар томилуулах дөрөв, ИЗНН-аас тодрох нэг сайдын асуудлыг хэлэлцэхээр товложээ. Ийнхүү Монгол Улсын Засгийн газрын бүрэлдхүүнийг  томилж дууссанаар УИХ-ын анхдугаар чуулганы ажиллагаа өндөрлөх юм байна.
Харин УИХ-ын дарга захирамж гарган ээлжит бус чуулган зарлаж маргаашнаас УИХ-ын нэгдсэн чуулганаар Орон нутгийн сонгуулийн тухай хуульд өөрчлөлт оруулах асуудлыг хэлэлцэж магадгүй байна. Энд орон нутгийн сонгуулиар санал тоолох автомат машин ашиглах эсэх, баг сумын Засаг даргыг бүх нийтээр сонгох уу, дээд шатны Засаг дарга нь томилох уу зэрэг асуудлуудыг хөндөж хэлэлцэх бололтой.