УИХ-д 25 гишүүн нь суудал авч, хуулийн дагуу бүлэг байгуулах эрх нээгдсэн байсан ч түүнийгээ ашиглаж чадаагүй МАН-ынхан хийх ажилгүй сэлгүүцэж явна. Өнгөрсөн долоо хоногийн сүүлчээр сайд нарын томилгоог хэлэлцэх үед МАН-ын гишүүн завсарлага авлаа хэмээн чуулганы хуралдааныг хаяж гарсан. Гэвч албан ёсоор бүлэг байгуулаагүй тэднийг завсарлага авсан гэж үзэх хууль зүйн үндэсгүй учраас тэдний хурал хаясан гэж тооцож буй. Өнөөдөр ч мөн Төрийн ордонд таван сайдыг томилох асуудал хэлэлцэхэд МАН-ын нэг ч гишүүн хуралд оролцоогүй юм. Гэхдээ л МАН-ын цөөнгүй гишүүн Төрийн ордны албан өрөөндөө байсан ч хуралдааны танхимаар ч цухуйсангүй.