Шинэчлэлийн нэр зүүгээд байгаа Н.Алтанхуягийн Засгийн газар гурван эмэгтэй сайдтай болж хамгийн жендерийн мэдрэмжтэй Засгийн газар болох нь. Үүний өмнө Соёл спорт, аялал жуулчлалын сайдаар АН-ын Ц.Оюунгэрэлийг томилсон бол өнөөдөр Эрүүл мэндийн сайдаар МАХН, МҮАН-ын “Шударга ёс” эвслийн Н.Удвал, Байгаль орчин ногоон хөгжлийн сайдаар ИЗНН-ын дарга С.Оюуныг батламжлуулахаар УИХ-д оруулж байна. Ингэснээр Н.Алтанхуягийн танхим гурван ч эмэгтэй сайдтай болох юм.