Иргэний танхимд Ерөнхийлөгчийн Тамгын газраас санаачлан соёлын өвийг хамгаалах эрх зүйн зохицуулалт, палеонтологийн олдворыг хамгаалах эрх зүйн зохицуулалтыг боловсронгуй болгох талаар хэлэлцүүлэг болно. Маргааш 14 цагт эхлэх уг хэлэлцүүлэг нээлттэй болох юм байна. Палеонтологийн олдворыг хамгаалах олон улсын туршлага, энэ талаар Монголд хийж буй ажил, санаачилга, цаашид авах арга хэмжээний талаар хөндөн ярилцах аж.
Хэлэлцүүлэгт Боловсрол шинжлэх ухааны яам, Соёл урлагийн хороо, Палеонтологийн төв, Байгалийн түүхийн музей болон хууль хяналтын байгууллагуудын төлөөлөл оролцох юм байна. Мөн гадаадын эрдэмтэн судлаачид оролцоно гэдгээ мэдэгджээ.