УИХ-ын чуулганы үдээс хойшхи хуралдаан эхлэхийн өмнө УИХ дахь МАН-ын гишүүдийн төлөөлөл, өөрийгөө МАН-ын бүлгийн дарга гэдэг Н.Энхболд аанай л “УИХ-ын даргыг хууль бусаар сонгосон, МАН УИХ-д бүлэгтэй байх ёстой, энэ бол ард түмний сонголт гэдэг зүйлээ тоть шиг  улиг болгон давтлаа. Гэхдээ тэд УИХ-д бүлэг байгуулах тухай саналаа УИХ-ын дарга сонгогдсоны дараа 24 цагийн дотор өгөх ёстой байсныг үл тоомсорлож хууль зөрчсөн  гэдгээ огт дурдсангүй.
УИХ-ын тухай хуулийн заалтыг мөрдөөгүй атлаа өнөө болтол тэд өөрсдийгөө “УИХ дахь МАН-ын бүлэг” гэж нэрлэн хурал хаяж, хурлаас завсарлага авч хууль зөрчиж байгаагаа бас огт дурсахыг ч хүсэхгүй байна.