УИХ-ын тухай хуульд зааснаар УИХ-ын дэд хороон даргаар  цөөнхийн бүлгээс хүн томилдог учраас Төсвийн зарлагын дэд хоронд МАН, Сэлэнгэ аймгийн Засаг даргаар ажиллаж байгаад УИХ-д сонгогдсон  гишүүн Ж.Эрдэнэбатыг нэр дэвшүүлсэн байна. Ийнхүү УИХ-ын анхдугаар чуулган эхэлснээс хойш албан ёсны бүлэггүй атлаа хурал хаялаа энэ тэр гэсээр  парламентын үйл ажиллагаанд үндсэндээ оролцолгүй өнөө хүрсэн МАН-ынхан албан тушаалын сургаар ухасхийн хүнийхээ нэрийг дэвшүүллээ. Өмнө нь УИХ-ын бүтцийн байгууллагууд, Засгийн газрын бүтэц бүрэлдэхүүнийг батлах үед МАН-ын гишүүд огт оролцоогүй юм.