МҮЭХ-ноос Монгол Улсын Ерөнхий сайд Н.Алтанхуягт төрийн албан хаагчдыг хоморголон халахгүй байх уриалга хүргүүлжээ. Уг уриалгад “Засгийн газрын бүтэц, бүрэлдэхүүний тухай хуулийн төсөлд шинээр байгуулагдах Засгийн газар 16 яам, 19 сайдтай, яам тус бүр нэг дэд сайдтай байхаар тусгажээ. Та ийнхүү Засгийн газрын бүтэц бүрэлдэхүүнийг өөрчлөн зохион байгуулахдаа төрийн байгууллага, яам, агентлагийн орон тоо бүтцийг одоогийн ажиллаж байгаа ажиллах хүчинд тохируулан, төрийн албан хаагчийн орон тоог хасахгүй, ажилтны тоог цөөрүүлэхгүй байх зарчим баримтлан ажиллахыг МҮЭ-ийн холбооноос уриалж байна” гэжээ.